नेता बन्न आफैं दल खोल्ने कम्युनिस्ट महारोग
कभर स्टोरी : निर्वाचन आयोगमा दर्ता भएका ११९ दलमध्ये दुई दर्जन माथि कम्युनिस्ट पार्टी मात्रै छन् । यसमा अध्यक्ष बिरामी हुँदा पार्टी नै थला पर्ने, उपाध्यक्षको नाम अध्यक्षलाई थाहा नहुने र सदस्यमध्ये आधाको भोट पनि नपाउने कम्युनिस्ट पार्टी समेत छन् । ११ फागुन, काठमाडौं । नेकपा मार्क्सवादी (पुष्पलाल) का अध्यक्ष मानध्वज गुरुङ डेढ महिनादेखि अस्वस्थ छन् । जसका कारण उनको पार्टीले सञ्चालन गरिरहेको प्रशिक्षण दुई महिनादेखि स्थगित छ । कहिले सञ्चो हुन्छ र पार्टीको प्रशिक्षण सुरु हुन्छ भन्ने अध्यक्ष गुरुङलाई पनि थाहा छैन । गुरुङ कम्युनिस्ट पार्टीमा लागेको झण्डै पाँच दशक नाघ्यो । उनी अध्यक्ष रहेको यो पार्टीको इतिहास पनि लामै छ । २०२८ सालको झापा विद्रोहपछि बनेका विभिन्न कम्युनिस्ट घटकमध्येकै एक हो, नेकपा मार्क्सवादी । गुरुङ सुरुदेखि नै यही पार्टीमा लाग्दै आएका कम्युनिस्ट कार्यकर्ता हुन् । २०४७ सालमा मार्क्सवादी र नेकपा (माले) एकीकरण भएर नेकपा एमाले बन्यो । उनी पनि केही समय एमालेमा बसे । तर, २०४९ सालमा एमालेको पाँचौं महाधिवेशनमा तत्कालीन महासचिव मदन भण्डारीले अघि सारेको जनताको बहुदलीय जनवाद (जबज) कार्यक्